BSK Hjallabraut

Hjallabraut 55, 220 Hafnarfjörður
Sími: 555-7610, Netfang: barnaskolinnhfj(hjá)hjalli.is
Skólastjóri: Hildur Sæbjörg Jónsdóttir
Fjöldi nemenda er 109 og fjöldi starfsmanna er 18.

Barnaskóli Hjallastefnunnar í Hafnarfirði hóf starfsemi sína haustið 2006 sem útibú frá Barnaskólanum í Garðabæ. Eftir fyrsta starfsárið var sótt um sjálfstætt starfsleyfi fyrir skólann til Menntamálaráðuneytisins og frá haustinu 2007 hefur skólinn verið rekinn sem sjálfstæður barnaskóli fyrir yngsta stig grunnskóla, 1.-4. bekkur.

Þann 1. febrúar 2019 tók Barnaskólinn við starfi 5 ára barna af leikskólanum Hjalla og starfar leikskólakjarni þeirra í suðurálmu skólans. Með því að sameina 5 ára leikskólastarfið og yngsta stigið undir sama þak gefst okkur enn frekari tækifæri til þess að brúa bilið milli 1. og 2. skólastigsins.

Starf Barnaskólans einkennist af faglegum metnaði, jákvæðni, gleði og lausnamiðun starfsfólks skólans þar sem umhverfið er aðlagað að þörfum barnsins. Frá því að Barnaskólinn var útibú frá Garðabæ hefur skólinn þróað frá ári til árs samkennslu milli árganga. Hefur verið leitast við að styrkja slíka kennslu með tilliti til ólíkra þarfa barna án aðgreiningar eftir aldri og námsgetu. Reynslan hefur sýnt okkur að kostirnir við samkennslu eru fleiri en ella. Er hverju barni mætt þar sem það er statt. Um er að ræða félagsmynstur sem sem styrkir ábyrgð, forystu, samhjálp og umburðarlyndi - sem er í takt við það sem við stöndum fyrir og kynjanámskráin okkar kveður á um. Allir græða!

Er það með mikilli tilhlökkun sem við siglum inn í þrettánda skólaárið okkar og það tólfta sem sjálfstætt starfandi skóli.

Hlökkum við til gefandi og gæfuríks samstarfs með börnum og foreldrum.